豊勝手丼 (已結業)

落到铜锣湾好多餐厅都关门，见到呢间位于地下嘅豊胜手丼就试吓，堂食有8折。午市定食有19款，有生有熟食，附送沙律，前菜同吸物。最平定食$98，最贵$348，另加一。附送沙律系沙律杂菜同车厘茄半粒，加左足够柚子醋。前菜系中华沙律。味噌汤有少少豆腐粒同昆布，味道够咸。等左都几耐先有丼饭，店员忙住做外卖。五品贝之风吕丼 $348 另加一呢个丼系全餐牌最贵，有海胆两大片，连壳矶煮鲍鱼一只，活赤贝一只，帆立贝一细只，同马刀贝几片。啲材料唔够盖住啲饭。日式芥末同酸姜份量就劲多。海胆大大片，食落少少苦，绝对低质。其他海鲜质素正常，冇乜特别，呢个价钱分量偏少。酸姜好辣。炙之海鲜丼 $268 另加一炙之海鲜丼有炙烧三文鱼三片，吞拿鱼同油甘鱼各两片，同带子一只。啲海鲜完全冇炙烧味，冇油香又干争争，差。材料都系分量偏少。餐厅写明寿司饭可免费添加。见啲寿司饭上左豉油色不过冇乜味，又唔够酸，又偏硬，几难食。我同行友人要添饭先可食饱。跟餐可加$20追加小食，或加$30加刺身。装修好日式，都算见得人，不过非常挤迫。总结，价钱非常贵而质素差，绝对无下次。