一起燒火鍋烤肉店 (已結業)

今日同屋企人行屯门V city，屯门嘅变化真系好大，有好多购物点，亦有好多唔同嘅食肆，嚟个屯门一日游都不错呢！行咗大半日，都系时候找间吃晚饭的餐厅，最好就坐得舒服啦，系市中心附近的卓尔居，有不少的新餐厅，屋企人话想食韩烧，就去「一起烧」试一试啦！一入内环境阔落，有卡位可供二人或多人坐，非常舒服，除了有烧烤炉，也有火锅炉，但枱面够大可放不少食物，仲放有不少用品供食客使用，服务很贴心呢！这店的烤肉价钱真是不贵， 大部分都是几十蚊上落。不停点呀点，点到成张枱都系肉， 埋单也不过是每人200蚊松啲，食完饱到上心口。牛肉最爱吃这牛肉条， 肉质美味， 虽然口感是干干的， 但食落好像有牛肉干的感觉，加上韩国烤汁嘅味道， 味道非常入味。而猪肉最爱吃这薄切黑毛猪，价钱才不过51蚊，大大碟片真抵食。 肉质方面，脂肪分布平均，口感食落嫩滑， 猪肉味劲浓郁。羊架也是不错的选择，烧到大概九成熟，食落完全没有羊腥味， 口感一流。至于这里的甜品，也有多款可以选择。特别选了焦糖炖蛋，甜甜地嘅焦糖配上香滑的炖蛋，味道丰富。经过这晚嘅一起烧后， 发觉屯门也有咁正嘅餐厅，下次一定都会来帮衬。