影片
更多
2013-08-28
933 浏览
近排开心事特别多，继续俾自己good excuses去不断食好野！Anyway，是日七点未到去已经去到朗豪酒店六楼既中菜厅，但系已经餐厅已经差唔多半满！从lift lobby往中菜厅必须要经过一条长长既酒廊，就好似一个小小的buffer将烦嚣既闹市分隔开，为冲忙的一天带来一个少少的小天地去relax relax！作为米芝莲两星餐厅，硬件方面当然唔会差得去边。枱与枱之间既距离虽然唔算好阔，但系可以接受，附近既人就算讲野比较大声都唔虽要担心俾人听到佢地讲乜。楼底方面非常高，空间感非常足够，完全善用五星级酒店既硬件。鲍汁四喜烤麸 ($88)作为餐前小碟既appetizer，整体感觉非常惹味，令胃口大开。由于被鲍汁捞过，面筋、冬菇等等本来平平无奇既材料变得十分香口，令平时唔太钟意「食斋」既自己都忍唔到口食过不停！浓汤鲜竹花胶丝浸时蔬 ($208)清清淡淡的一味菜反而更加带出食材的鲜味。花胶丝烟烟韧韧、口感非常特别，同菠菜一齐喺上汤里面可以话系一软一硬既「最佳拍档」！鲜竹方面，由于「索」晒上汤入去鲜竹里面，口感黎讲相对偏腍，个人黎讲唔太钟意，不过呢个绝对因人而异！海生虾炒蛋白 ($228)非常有
作为米芝莲两星餐厅，硬件方面当然唔会差得去边。枱与枱之间既距离虽然唔算好阔，但系可以接受，附近既人就算讲野比较大声都唔虽要担心俾人听到佢地讲乜。楼底方面非常高，空间感非常足够，完全善用五星级酒店既硬件。
鲍汁四喜烤麸 ($88)作为餐前小碟既appetizer，整体感觉非常惹味，令胃口大开。由于被鲍汁捞过，面筋、冬菇等等本来平平无奇既材料变得十分香口，令平时唔太钟意「食斋」既自己都忍唔到口食过不停！
浓汤鲜竹花胶丝浸时蔬 ($208)清清淡淡的一味菜反而更加带出食材的鲜味。花胶丝烟烟韧韧、口感非常特别，同菠菜一齐喺上汤里面可以话系一软一硬既「最佳拍档」！鲜竹方面，由于「索」晒上汤入去鲜竹里面，口感黎讲相对偏腍，个人黎讲唔太钟意，不过呢个绝对因人而异！
海生虾炒蛋白 ($228)非常有特式的诚意之作。虽然「海生虾」只系大头虾既虾头，似系点缀多于实际用途，但系主角蛋白却非常令我喜出望外。滑到几乎从嘴唇边跌出黎不特止，当佢同埋虾胶捞埋一齐食落肚果种感觉真系非常之正。由于夹杂左脆bok bok既香叶，果种爽得黎却带点烟韧同埋清新既口感真系超正！
龙皇披金甲 ($398)作为2009年度既得奖菜式，绝对系「不可不试」之选。白鳝里面酿左虾胶，再落镬油炸虽然看似简单，但绝对系考功夫之作，火喉控制既技巧绝对唔容易。师傅唔单止做到色、香、味俱全，炸既火喉亦都刚刚好，金黄色、脆脆既鳝片里面包住左仍然系热辣辣既爽滑虾胶，真系正到痺呀！
红酒火燄黑豚肉 ($258)在座大部份人可能因为被隔离既干柴烈火吸引左，每枱几乎都有order到呢个dish。不可不提既系佢既烹调手法十分特别，先将菜式煮到差唔多熟，然后用锡纸包住，下面再放D好似快餐店打边炉用既燃料再用石锅上枱，等一至两分钟后燃料耗尽先至拆锡纸分菜，十分特别！由于个酱汁用左红酒调味，食落口感觉非常浓烈。豚肉片捞埋冬菇、草菇同埋萝白等等既材料虽然十分惹味，但就唔系太啱钟意清淡既我。不过，如果系用黎招呼爱好浓味既北方人或者西人既话，我相信呢个绝对系不二之选！
虾子杂菌烧玉子豆腐 ($168)坦白讲，overall整体既质素勉强只可以叫做比average好少少。酱汁虽然惹味，但感觉同上面既饱汁大同小异，应该系出自同一个recipe的手笔。玉子豆腐做得唔错，师傅喺控制时间方面非常到家，玉子表面整得十分出色、炸得刚刚好之余，里面却能keep到好似蒸水蛋咁滑既口感，超正！虽然完全食唔到虾子，但杂菌唔会因为咁而无左惹味既感觉。由于用既食材非常新鲜，喺「less is more」之情况下反而食出蔬菜既鲜味同埋田园气息，感觉好好！
Overall餐厅比我既感觉系相对一般酒店中菜厅更加「平易近人」。酒店既staff唔会将只眼生喺额头到不特止，佢地亦都唔会一味只系recommend D贵野俾你，反而着重唔同𩠌菜既配合，务求令你可以唔同既野都可以试少少，唔会过份侧重喺某一方面。消费方面更加非常「丰俭由人」，当然你可以食鲍心翅肚或者$500几蚊一位既米芝莲tasting menu，但系一般家常便饭都只系3几百蚊一个人，以酒店黎讲绝对系合理之选！
张贴
