影片
更多
2013-12-06
1721 浏览
如果，你系第一次食鸡煲，我建议你唔好做以下动作：凳都未坐暖就懒醒咁拎住张火锅纸丧剔-->懒有型咁举手畀张嘢伙计点解？呢度哋方唔系话好大，如果你个日又咁好彩拎到张细枱呢，我真系除咗恭喜之外都唔知讲乜嘢好喇！分分钟你啲配料上齐个鸡煲都未到？咪好似我哋咁，同啲配料一样，生勾勾咁栋喺度啰！=}正确做法就系先叫咗个鸡煲，差唔多食哂鸡件先好入纸，相信咁样就唔会搞到呢咁HEA喇。鸡煲有分用冰鲜或新鲜鸡，价钱差一百蚊到，呢啲就丰俭由人喇！今次试咗麻辣汤底冰鲜鸡煲，鸡件都算多，而且值得一赞嘅系冇雪味！麻辣味非常香，中辣汤底都唔会因为辣味盖过哂其他嘢。不过略嫌中辣唔够辣，返啅会叫大辣！唔食得辣嘅朋友唔洗担心，有得拣清汤！由于我哋得4丁友，唔系叫到好多嘢，介绍住几款先，其他留返大家自己试～1. 招牌虾丸- 你睇佢个样都知道足料，爽口弹牙，虾味浓郁，绝对值得一试。2. 手切牛肉：牛肉味重，唔会好油好腻，坚正！（ “无图你讲乜都得架啦！”－不要问，只要吃！）3. 脆肉鲩：好新鲜，渌完又脆又甜，鱼油极香，加埋麻辣夹到晕，大家都抢食！4. 黄沙猪润：基本上冇腥味，唔霉已经令佢有好高分数。5. 羊片
凳都未坐暖就懒醒咁拎住张火锅纸丧剔-->懒有型咁举手畀张嘢伙计
点解？
呢度哋方唔系话好大，如果你个日又咁好彩拎到张细枱呢，我真系除咗恭喜之外都唔知讲乜嘢好喇！
分分钟你啲配料上齐个鸡煲都未到？
咪好似我哋咁，同啲配料一样，生勾勾咁栋喺度啰！=}
正确做法就系先叫咗个鸡煲，差唔多食哂鸡件先好入纸，相信咁样就唔会搞到呢咁HEA喇。
鸡煲有分用冰鲜或新鲜鸡，价钱差一百蚊到，呢啲就丰俭由人喇！
今次试咗麻辣汤底冰鲜鸡煲，鸡件都算多，而且值得一赞嘅系冇雪味！麻辣味非常香，中辣汤底都唔会因为辣味盖过哂其他嘢。不过略嫌中辣唔够辣，返啅会叫大辣！唔食得辣嘅朋友唔洗担心，有得拣清汤！
由于我哋得4丁友，唔系叫到好多嘢，介绍住几款先，其他留返大家自己试～
1. 招牌虾丸- 你睇佢个样都知道足料，爽口弹牙，虾味浓郁，绝对值得一试。[冇图]
2. 手切牛肉：牛肉味重，唔会好油好腻，坚正！
（ “无图你讲乜都得架啦！”－不要问，只要吃！）
3. 脆肉鲩：好新鲜，渌完又脆又甜，鱼油极香，加埋麻辣夹到晕，大家都抢食！
4. 黄沙猪润：基本上冇腥味，唔霉已经令佢有好高分数。
5. 羊片：唔会搞到成煲膻味，记得同渌肥牛一样，拖两转好食喇！否则会太老！
6. 猪天梯：爽口，冇异味，嚼头十足！
7. 蝴蝶腩：坦白讲，呢个唔得，太韧，直头硬过我条命，完全咬唔开。
8. 萝卜(左)：建议一开波就扔落去索味，冇渣，好甜！9. 竹笙(右上): 吸咗个汤底的确系令刺激度大增，不妨一试！
10. 海带(右下): 朋友话清热，有正常腥味，食得腥嘅朋友先好叫。
其实宝宝鸡煲嘅火锅配料份量的确唔算多，
但我谂如果人少的话，食完鸡件之后都会饱饱哋，咁样都方便大家试唔同配料。
呢度招呼好好，就算爆忙伙计都冇黑面，赞！
另外，当晚几乎每张枱都有叫绝对新鲜醉鸡子，仲好快沽清。
净系个名都够霸气，不得了！
我谂，下次我会试！
PS. 前几篇都出现错字，小弟读书唔多，请包涵 =}
张贴
