極品煮意 鷄煲.烤魚.火煱 (已結業)

行过葵芳运动场附近，见到大大个广告牌好吸引，鸡煲，烤鱼及多款汤底选择，劲食劲饮，相当便宜，紧喺要去帮衬吓。上到楼上，地方宽敞，座位摆设算多空间。入口处放置张小食枱，都有十多款小食及糖水让客人自选喜爱食物。另外仲有几个大雪柜盛载几十样火锅食物，饮料种类之多， 连啤酒都任饮，硬有一款啱你。坐底后我哋选咗酸菜鱼㶽，鲩鱼尚算鲜味，味道微酸带辣好惹味，令胃口大开。吃过鱼㶽后再去挑选其它火㶽配料食物打边炉，种类之多，吃得不知几滋味，另有任点任食嘅肥牛，羊腩片，鲩鱼片等。另有附加款项可升级任食美国桶蚝，新鲜海虾，牛颈脊片，金钱展等上品食材，客人按喜爱自选，丰俭由人。最欣赏佢哋嘅小食，不停换上各式各样小食，其中白云猪手，鸡件非常好味，而红豆糖水及西米露嘅二款甜品好香浓，可舒解吃过辣味食物，令喉咙顺晒。