囍越 (屯門市廣場) (已結業)

我例牌系越南菜餐厅8成时间会叫猪扒捞檬，感觉上猪扒份量会多啲，抵食啲。😂黎到时见到碗檬粉即刻眉飞色舞，因为有好多猪扒，而且仲肉好厚添。啲猪扒虽然厚，但佢好似猪颈肉咁爽滑，呢样真系喜出望外。仲有捞檬鱼露酸醋味道得宜，唔会过份酸，捞埋萝卜丝，蕃茄等蔬菜清新感十足。食野点都要叫番杯野饮，我见有石榴红茶，平时好少红石榴既野饮，所以都叫番杯饮，味道唔错，好香石榴果香，红茶味浓唔太甜，饮呢杯野记住搞匀底下果酱，唔系就会冇乜石榴味甜味。啲野食野饮虽然好味，但连埋加一都要90蚊，以下午茶时段黎讲真系唔平，如果星期日都有啲下午茶set就好，咁就可以多啲帮衬。