十二鍋 (已結業)

好耐冇打binlo，今日上完堂就约咗朋友仔食一人锅。我地嗌咗好多嘢食，好兴奋！ 锅物晚市套餐有好多配料，另外仲可以拣牛肉/ 猪肉、饭/ 粗粉丝，同埋低糖绿茶/ 低糖红茶，非常丰富！芝士竹轮寿喜烧 $115我同朋友都钟意甜甜地嘅汤，所以叫咗寿喜烧汤底。我地拣咗牛肉、粗粉丝同埋低糖绿茶。配料方面，有蟹棒、芝士竹轮、炸枝竹、蛋饺、芝士鱼豆腐、蜂巢豆腐等等。牛肉份量都几多，唔会韧。蔬菜同蜂巢豆腐吸满汤汁，甜甜地，非常吸引！绿茶系少糖版本，好解渴。台式沙茶牛肉锅 $115另外，我地仲试咗个台式嘅汤底，一样配咗牛肉、粗粉丝同低糖红茶。配料方面就同寿喜烧唔同，我觉得咁样几好，可以试多啲款式！比较特别嘅系爆汁牛丸、芋泥贡丸同台湾面线！牛丸弹牙多汁，贡丸里面有满满嘅芋泥(⁎⁍̴̛ᴗ⁍̴̛⁎)。面线系幼身嘅，同汤底好夹。红茶好解腻！塔香盐酥鸡 $42盐酥鸡份量多，旧旧都好大旧。盐酥鸡外层酥脆，又唔会太油，内里鸡肉嫩滑，推荐！墨花臣双色肠 $42双色肠系红色同黑色，原来系台湾肠配墨汁花枝肠。墨汁花枝肠几特别，真系睇到同食到八爪鱼。另外，仲可以配埋蒜片一齐食，会更加香😋。