木槇料理 (已結業)

我胃口唔太好，本来想散叫，食啲刺身拼盘，饮吓酒，都好满足啊。但系女友人话要食多啲，又唔想咁烦谂啲乜，就叫二人前啦。QRE 呢边夜晚比较清净，咁就啱我，太嘈就影响食欲丫嘛。先嚟杯梅酒饮吓，醒一醒胃先。和风野菜沙律，蔬菜好新鲜架，但系我嫌佢地好少沙律酱汁啫。瞬间熏制三文鱼，因为我拍咗片影住啲烟出，所以冇相。三文鱼好嫩，好香烟味呀。枝豆女友人叫，暖暖地又有啲盐喺面，佐酒一流。盐烧鲭鱼，盐好均匀分布喺鲭鱼上面，肉质结实，皮香。鲔鱼寿司盛，手卷同军舰都系鲔鱼蓉，寿司就系一块厚厚嘅鲔鱼，都好食架。铁板厚切牛舌，牛舌好厚好嫩，个汁够嘢未。大蚬味噌汤，可能食得太多味浓嘅嘢，感觉个汤好清，但都有少甜。海胆沙饭，普普通通啦。杏汁豆腐，好滑好香杏味，抹茶奶冻就冇咁滑但都有抹茶香，睇自己钟意啦。