韓讚 (已結業)

突然之间想食韩国嘢，揾揾下Openrice见到铜锣湾哩间做紧二人餐嘅优惠，就同个旧同学黎试试。二人套餐嘅份量好惊人！见唔见到相片里面嘅部队锅系要开另一张台摆！咁就等我讲个部队锅先啦，非常足料，有芝士拉面、午餐肉、香肠、泡菜、菇菌、高丽菜、脆肉瓜，材料就足够啦，不过味道就冇想像中咁浓味，同一般嘅部队锅有d分别。主食方面仲有炒粉丝，可以配自选肉类，我地拣左牛肉，味道都唔错。另一个近似主食嘅东东系饺子年糕汤，虽然表面上系汤，但系饺子同年糕嘅份量都好多，有如一个主食。加埋紫菜个汤都唔错，如果少d年糕就更加好，事关都几顶胃架！最后小食方面仲有一个炸鸡，可以配自选酱，我地想清新一点所以拣左柚子酱。酱同炸鸡系分开嘅，所以炸鸡本身冇乜味道，好靠个酱料，柚子酱就好似平时冲柚子蜜个d，所以配上冇乜味嘅鸡就差左d味道，有d怪，可能拣返辣酱或酱油会更配。套餐都跟两杯饮品嘅，如果想要特饮就再加钱。整体还可以，每款韩国菜式样样都有，就只系样样都差少少味，唔系好到位，想食一餐多样化韩国菜都ok嘅！