影片
更多
2016-06-07
2886 浏览
同朋友仔好耐冇见，想揾间靓D既西餐厅，因为好多水想吹。上网呢间餐厅好多好评，一于试下先。去到基本上都唔使点谂，就叫个二人餐咩都有得试。鲜果酿酥盒、香芒凤尾虾野菜沙律头盘有鲜果酿酥盒同香芒凤尾虾野菜沙律，上台时卖相都几精致㖞。沙律同埋酥皮盒上面都淋左芒果汁，味道甜甜地几开胃。酥皮盒入面有哈密瓜、火龙果、菠萝等等既生果都几丰富。而野菜沙律有好多款唔同既菜，够晒新鲜。忌廉芝士蚝/黑松露焗蚝每样有两只。上台时热辣辣，而且好香芝士味，面头焗到金黄色，好令人期待呀。一上台已经系浓浓既芝士味，而黑松露个一款除左芝士味当然仲有黑松露既独有香味，我呢个重口味人士梗系钟意后者啦。周打海鲜汤今日厨师餐汤系周打海鲜汤，不过呢个汤比较稀，再杰身D就好啦。法国鹅肝野菌忌廉意大利饭面头有一大块鹅肝。意大利饭中间混杂左唔同既野菌，意大利饭偏硬，同忌廉汁都几配。上面一大块鹅肝两边煎到脆卜卜，中间仲系软淋淋。入口偏咸，配埋比较淡口既忌廉意大利饭食就更加突出。日本活性水饲猪鞍扒配蒜蓉牛油焗扇贝一大块扇贝铺系面，下面就系猪鞍扒。四周有好多唔同种类既配菜。扇贝比较浓味，而且焗过，可以做到外皮脆既效果。下面块猪鞍扒比较薄，好容易
鲜果酿酥盒、香芒凤尾虾野菜沙律头盘有鲜果酿酥盒同香芒凤尾虾野菜沙律，上台时卖相都几精致㖞。沙律同埋酥皮盒上面都淋左芒果汁，味道甜甜地几开胃。酥皮盒入面有哈密瓜、火龙果、菠萝等等既生果都几丰富。而野菜沙律有好多款唔同既菜，够晒新鲜。
忌廉芝士蚝/黑松露焗蚝每样有两只。上台时热辣辣，而且好香芝士味，面头焗到金黄色，好令人期待呀。一上台已经系浓浓既芝士味，而黑松露个一款除左芝士味当然仲有黑松露既独有香味，我呢个重口味人士梗系钟意后者啦。
周打海鲜汤今日厨师餐汤系周打海鲜汤，不过呢个汤比较稀，再杰身D就好啦。
法国鹅肝野菌忌廉意大利饭面头有一大块鹅肝。意大利饭中间混杂左唔同既野菌，意大利饭偏硬，同忌廉汁都几配。上面一大块鹅肝两边煎到脆卜卜，中间仲系软淋淋。入口偏咸，配埋比较淡口既忌廉意大利饭食就更加突出。
日本活性水饲猪鞍扒配蒜蓉牛油焗扇贝一大块扇贝铺系面，下面就系猪鞍扒。四周有好多唔同种类既配菜。扇贝比较浓味，而且焗过，可以做到外皮脆既效果。下面块猪鞍扒比较薄，好容易切开，而且一D都唔鞋。
食完主菜，点可以冇甜品。虽然已经好饱，但系女仔食甜品系用第二个胃。呢个甜品有芝士蛋糕、栗子挞、泡芙等。每样一件晒两个女仔呀。个人最钟意食栗子挞，挞皮够晒脆。
最后整杯热奶茶。呢度既茶同埋奶都系自己落，我个人就钟意奶味重既奶茶，唔错。食下野倾下计，咁样就完结左丰富既一餐啦！
张贴
