海魂燒 (已結業)

呢间海魂烧应该系食一些烧物或串烧出名的吧， 但系见到个超值2人餐，有龙虾、有笋壳鱼就即刻叫了一个二人餐。餐汤蕃茄汤同前菜芒果牛油果沙律都有一种酸酸甜甜的味道，在餐前食非常开胃， 能够提升人的胃口！烧笋壳鱼， 炸笋壳鱼食得多， 盐烧笋壳鱼都系第一次食，条鱼好大条，肉质好松软，虽然用盐烧，但系一啲都唔会咸， 好有鲜味。特式炸拼盘主要有三种炸物，有鸡软骨、单骨鸡翼同天妇罗番薯， 鸡软骨烟烟靭靭，鸡翼好香脆， 天妇罗番薯都好甜。烧波士顿大龙虾， 龙虾其实就唔系话好大只 ，不过加咗芝士同蟹子烧成的龙虾，食落就有唔同嘅层次同口感， 龙虾肉都算弹牙。烧豚肉秋葵卷， 一串有四件，好爽脆，好好食。野菜乌冬， 有娃娃菜同金菇做配料， 乌冬都好弹牙，清清淡淡，不错。饭后甜品仲有雪米糍，加上餐饮，呢餐饭都几抵食。