新麻蒲 BBQ (形點) (已結業)

喺韩国食烧肉，所有前菜都可以免费refill，喺香港韩烧餐厅就好少有，但新麻蒲就做到，而且啲前菜仲好丰富添！一坐底即刻倒上芝士泡菜炉边蛋，同摆上5碟前菜（2款沙律、泡菜、海带、酸萝卜）全部都酸酸地，好开胃。未叫野食已经摆满成张枱咁济！午市套餐买3送一，如果4个人黎食真系好抵！我地两个人黎食，叫左特级午市套餐同牛肉牛骨浓汤。牛肉牛骨浓汤会配一个饭，入面仲有面，惊死你唔够饱咁！🤣🤣我觉得个汤偏咸，而且啲面都6得太淋！入面都有好多块牛𦟌午市特级套餐有牛霜降肉、牛肋排、护心肉、五花肉同菇菇。再加呢个海鲜大酱汁，呢个本来应该好好味既，辣面鼓汤底，都几多海鲜喺入面，有虾、鱿鱼、青口，个汤汁又系好好送饭。不过店员无提我地要睇火，我地挂住食其他野无理佢，搅到有啲㶶味😢系我地既错火力十足，烧五花肉，正呀！最钟意包菜食，加小小泡菜、面豉酱，再点小小麻油（佢个麻油好香)，好味😋护心肉同牛肋排系腌左既，佢个腌料甜甜地，唔使点酱，就咁食都好够味！我觉得牛肋排最好味！个炉边蛋最好熟左就尽快食哂，咁先够滑，仲食到芝士味。一烧耐左就会变干变硬，无咁好食㗎啦！Overall 我觉得都唔错，前菜好加分！肉既质素就ok啦！