本延鍋物

营业中

休息中

开业半年嘅shabu shabu，欧式圆拱门以及雪白清雅嘅用色，反倒似一间咖啡厅。午市只供应三款套餐，较瘦嘅特选牛、油花较丰富嘅日本和牛以及一款豚肉，即使唔食牛嘅客人都唔怕无选择，汤底只有主打嘅Sukiyaki。今日刚好遇上推广，选用第一款套餐免费升级做同样瘦削但口感更嫩嘅和尚头。套餐计算过一人份量，恰到好处不饱滞，包含物为一碟牛肉、蔬菜拼盘、生鸡蛋蘸料、虾滑、乌冬及伴食用胡麻酱。牛肉有四片，厚度适中，却比一般火锅牛肉大片及长身，一片等于坊间两片份量，肉占比多、同时夹杂些许油花。牛肉片面积虽大，但电池炉火力够，加上锅唔大，好快就滚起有得食；肉有肉味，嫩身又带瘦肉特有嘅松化口感，又不同于本地手切牛嘅咬口，介乎中间，配合甜咸兼具嘅酱油汤，令肉香更明显突出。蔬菜篮非常丰富，各种绿叶、萝卜菇菌加上蟹棒，合乎营养均衡嘅标准👍🏻唔觉唔觉其实都几饱，一饼乌冬都食唔哂，乌冬略嫌未够弹牙，下水一分钟，捞起都偏软烂，但配胡麻酱真系天作之合，顿时惹味加倍。最尾楼面送上黄豆蕨饼作饭后甜点，烟韧弹牙，淡淡豆香清而不腻，正好为呢餐盛宴作结。