影片
更多
2023-06-28
584 浏览
早已久仰沙田18的大名终于呢日老婆大人带我去食好嘢正呀喂。今日嚟食晏昼梗系叫啲点心食吓啦！第一样系樱花虾萝卜丝酥呢个系老婆大人钟意食嘅其中一样点心，不过呢只仲要加咗香口到不得了嘅樱花虾喺入面食落劲松化仲好鬼惹味添。跟住呢一个系蟹肉金瓜水晶饺𠮶皮做得好烟靭又唔黐牙，入面嘅蟹肉鲜甜加埋清甜嘅南瓜系好食嘅。前菜梗系要照顾我家嘅辣妻先啦！叫咗个川椒家乡口水鸡俾老婆大人叹！怕辣嘅我都觉得呢个口水鸡好好味，香麻辣有齐晒仲有爽滑嘅粉皮食得辣嘅朋友真系要试吓呀。夏天最好就系食冬瓜所以嗌咗呢一个瑶柱冬茸羹，清甜嘅冬瓜加埋咸香嘅瑶柱原来好鬼吸引！汤羹个芡打得啱啱好入口顺滑唔会太稀又唔会太杰超正斗。呢一个𩠌用咗师傅自己整嘅调味料辣椒饼嚟煮！佢个名叫做辣椒饼四角豆爆炒虾球香辣惹味食到老婆舔舔脷，加埋大大只嘅新鲜虾球同埋爽口嘅四角豆，食呢味𩠌真系可以爬两碗饭㗎。跟住呢一味真系令我大开眼界同口界！平时食到嘅柚皮都系蚊到淋晒好多芡汁𠮶种，呢度师傅竟然炒柚皮加埋啲礼云子食落咸咸香香入面仲好多汁够晒特别。然后呢两味𩠌虽然平时我唔like但系我都尽力去试！因为系我老婆大人钟意食嘅臭豆腐喇先嚟个香炸臭豆腐，嚟到嘅时候冇平时
今日嚟食晏昼梗系叫啲点心食吓啦！第一样系樱花虾萝卜丝酥呢个系老婆大人钟意食嘅其中一样点心，不过呢只仲要加咗香口到不得了嘅樱花虾喺入面食落劲松化仲好鬼惹味添。
跟住呢一个系蟹肉金瓜水晶饺𠮶皮做得好烟靭又唔黐牙，入面嘅蟹肉鲜甜加埋清甜嘅南瓜系好食嘅。
前菜梗系要照顾我家嘅辣妻先啦！叫咗个川椒家乡口水鸡俾老婆大人叹！怕辣嘅我都觉得呢个口水鸡好好味，香麻辣有齐晒仲有爽滑嘅粉皮食得辣嘅朋友真系要试吓呀。
夏天最好就系食冬瓜所以嗌咗呢一个瑶柱冬茸羹，清甜嘅冬瓜加埋咸香嘅瑶柱原来好鬼吸引！汤羹个芡打得啱啱好入口顺滑唔会太稀又唔会太杰超正斗。
呢一个𩠌用咗师傅自己整嘅调味料辣椒饼嚟煮！佢个名叫做辣椒饼四角豆爆炒虾球香辣惹味食到老婆舔舔脷，加埋大大只嘅新鲜虾球同埋爽口嘅四角豆，食呢味𩠌真系可以爬两碗饭㗎。
跟住呢一味真系令我大开眼界同口界！平时食到嘅柚皮都系蚊到淋晒好多芡汁𠮶种，呢度师傅竟然炒柚皮加埋啲礼云子食落咸咸香香入面仲好多汁够晒特别。
然后呢两味𩠌虽然平时我唔like但系我都尽力去试！因为系我老婆大人钟意食嘅臭豆腐喇先嚟个香炸臭豆腐，嚟到嘅时候冇平时喺街闻到𠮶种咁大嘅难闻味道反而觉得几香！所以我都试咗一粒可以话俾大家听钟意食臭豆腐嘅一定要嚟试吓。
呢一锅砂窝海鲜臭豆腐简直系极品中嘅极品！有齐好多样嘅海鲜再加埋臭豆腐喺入面好丰富，个味道鲜得嚟对我嚟讲又有啲大件事总之食到有啲欲拒还迎嘅感觉，呢个𩠌嘅味道真系好鬼销魂哈哈。
老婆大人话嚟呢度一定要食堂弄玫瑰露叉烧猪油捞饭，不过想睇师傅放火就一定要喺贵宾房先得㗎。
我呢个老婆大人真系食得好鬼招积！竟然叫师傅叉烧免切不过咁样食又真系好盏鬼。
呢个火焰叉烧会配一个钵仔饭跟埋师傅自家特制嘅猪油同埋豉油，虽然冇煎蛋都真真正正食到咩叫做黯然销魂嘅味道。
咸嘢食完之后梗系到食甜嘢啦！呢度最出名嘅自家制雪糕梗系唔少得，我哋叫咗糖冬瓜开心果雪糕同埋咸蛋黄雪糕，两个味道都鬼咁过瘾不过我同老婆大人都系钟意邪恶嘅咸蛋黄雪糕多啲。
最后仲有呢个酸酸香香嘅青柠话梅挞食完真系饱到一个点呀！大家记得去下面条片睇师傅放火呀包你睇完即刻想去食，如果想食叉烧饭就要记得要预早一日订呀。
沙田18电话：37237932
地址：沙田泽祥街18号沙田凯悦酒店4楼
张贴
