亞金南洋茶室 (置富都會)

营业中

休息中

第一次帮衬亚金南洋茶室，之前都有经过其他分店，见几四正，而且主打东南亚餐点，啱晒香港人胃口。六点就嚟到，所以唔使排队，大约七点左右就已经座无虚席😁😁餐厅环境几舒适，枱同枱之间同埋走廊都好宽阔，空间几大。除咗主餐牌之外，仲有晚市套餐，一个价钱，包埋嘢饮。餐牌选择都几多，比较多人叫嘅系海南鸡饭同埋喇沙。 而我就一心想食肉骨茶😛😛晚餐都有肉骨茶可以拣，一人份量，配一碗白饭，同埋半条油炸鬼。 肉骨茶嘅汤几好饮，唔算好浓药材味，甜甜地。另外配料都几多，除咗一字排骨（好入味👍🏼）之外，仲有鸡脚、猪手、猪腩肉片、猪肚同埋豆卜。有丰富蛋白质，仲可以补充骨胶原添。条油炸鬼都几香脆，我会点汤食，又脆又软林林，吸咗少少汤👍🏼👍🏼好食呀😆😆而朋友叫既海南鸡套餐，卖相都非常吸引。我见隔离枱三人行，个个都叫海南鸡套餐😁😁我食咗一旧鸡，鸡肉几嫩滑，鸡皮薄薄地，可以食埋😁😁点套餐，可以加配炸虾饼，值得推荐👍🏼👍🏼咬落非常香脆，而且都几大件，share够晒开心。仲叫咗个马拉盏炒通菜，都吵得几够火喉。 饮埋跟餐嘅奶茶，系炼奶奶茶，甜甜地，当埋甜品都仲得😆😆成餐饭超级满足，而且食嘅嘢全部都系熟悉嘅东南亚美食😌😌唔～ 唔错～