影片
更多
2021-12-03
455 浏览
放咗工同妈子去九号水产添置物资，行到肚饿就随意去附近揾间舖头食嘢。去到街头都决定唔到食乜，行返去街尾见到有间pizza铺。近海旁𠮶边，平时跑步已经留意到心血来潮入咗去。𠮶度客人唔多，我哋坐喺窗口位，座位都好宽敞。虽然仲系11月，估唔到咁早已经有圣诞menu。本来谂住散嗌既，sense到阿妈好想食，虽然睇落贵贵地，算啦就叫呢个餐。先讲结论，系有惊喜嘅。龙虾汤几浓郁，一开始以为中间嘅系龙虾肉，食到鲜甜味道，睇完menu先知道系蟹肉，不过只要味道好who cares...块面包我试过沾汤或者就咁食，觉得就咁食更加香口。跟住就嚟沙律，可能我食开中菜，一开始竟然只谂起七星伴月同埋片皮鸭生菜夹烟三文鱼、火腿、再加埋其他酸酸甜甜嘅配菜，真系好开胃面包唔系热哄哄𠮶种，点完中间𠮶盘芝士之后立即升华虽然钟意食芝士但系完全冇研究，只要creamy就ok睇menu知道系金文拔芝士，去自助餐我最钟意食𠮶种，唔怪之得啦食完沙律其实已经有少少饱，谂紧之后嘅主菜薄饼系咪要打包呢好似完全唔畀我休息咁样，喺我就嚟食完沙律𠮶阵薄饼就上枱切起嘅时候觉得好软腍，当觉得系咪烤嘅火喉唔够，上半部馅料嘅部分的确系软啲嘅，但系边皮嘅部
去到街头都决定唔到食乜，行返去街尾见到有间pizza铺。
近海旁𠮶边，平时跑步已经留意到心血来潮入咗去。
𠮶度客人唔多，我哋坐喺窗口位，座位都好宽敞。
虽然仲系11月，估唔到咁早已经有圣诞menu。
本来谂住散嗌既，sense到阿妈好想食，虽然睇落贵贵地，算啦就叫呢个餐。
先讲结论，系有惊喜嘅。
龙虾汤几浓郁，一开始以为中间嘅系龙虾肉，食到鲜甜味道，睇完menu先知道系蟹肉，不过只要味道好who cares...
块面包我试过沾汤或者就咁食，觉得就咁食更加香口。
跟住就嚟沙律，可能我食开中菜，一开始竟然只谂起七星伴月同埋片皮鸭
生菜夹烟三文鱼、火腿、再加埋其他酸酸甜甜嘅配菜，真系好开胃
面包唔系热哄哄𠮶种，点完中间𠮶盘芝士之后立即升华
虽然钟意食芝士但系完全冇研究，只要creamy就ok
睇menu知道系金文拔芝士，去自助餐我最钟意食𠮶种，唔怪之得啦
食完沙律其实已经有少少饱，谂紧之后嘅主菜薄饼系咪要打包呢
好似完全唔畀我休息咁样，喺我就嚟食完沙律𠮶阵薄饼就上枱
切起嘅时候觉得好软腍，当觉得系咪烤嘅火喉唔够，上半部馅料嘅部分的确系软啲嘅，但系边皮嘅部分仲系非常烟韧香脆，唔系薯片𠮶种斋脆。
最惊喜个part系炖牛肉非常软嫩，味道除咗甜酸之外仲有微微辣味
芝士香、牛肉嫩、配菜爽口、味道酸甜加少少微辣，我同阿妈都意想不到地食得晒成个pizza
价钱唔敢话平，但系起码食完觉得丰富又满足
老实讲一向比较少食西餐，今次为咗就阿妈先至食，估唔到真系几唔错！
张贴
