泰.越.港 (已結業)

週五晚喺中環收工，約埋三五知己喺附近想食泰國或越南嘢，所以就搵咗呢間位置都幾方便，餐廳環境都好光猛整潔整齊嘅餐廳試吓。晚餐有二人套餐，都幾抵食，可以喺多種食物選擇中揀啱食嘅嘢，餐牌上都好多泰國越南嘅食品，適合唔同口味嘅人。海南雞飯雞嘅肉質都幾嫩滑，海南雞飯特有嘅醬汁味道都唔錯，個飯都好多雞油食落真係停唔到口。雞嘅份量都OK，兩個人食夠分。Pad Thai我最愛嘅泰式炒金邊粉，去食泰國菜必食嘅，呢度嘅賣相都唔錯，而且估唔到材料都有幾多下，金邊粉炒得爽口，味道又唔會太鹹，而且份量比想像中多呢，食到好飽好滿足。炒通菜健康飲食就一定要食菜啦，泰式炒通菜非常之香，超正。青檸檬梳打你食完泰國嘢飲一杯令人提神醒腦嘅青檸梳打就知定，好香青檸味，我係咁差畫上圓滿嘅句號。