K&L Dream Cafe (已結業)

是日沙律-柚子提子干杂菜沙律用咗柚子肉同提子干，Dressing亦用咗少少芒果汁，酸酸甜甜，唔系净系普通俾堆菜你咁。是日汤-椰菜花忌廉汤(配蒜蓉包)系打到好smooth唔会食到粒粒嘅忌廉汤，而个蒜蓉包上面嘅蒜系唔多但我觉得啱啱好，唔会因为太多蒜而太咸太重口味。挪威烟三文鱼卡邦尼烟肉全蛋阔面一嚟已经见到摆盘好吸引，一间细细餐厅但一啲都唔求其。全蛋阔面唔会煮到淋patpat，烟肉非常够，唔会食到最后得返啲面。烤春鸡松子仁白松露意大利饭呢个意大利饭系好推荐大家试，烧春鸡上面舖咗少少嘅芝士，有啲咸香，意大利饭干湿控制得啱啱好，唔会湿过头或者软晒，面头有烘过嘅松子仁，脆卜卜再加有芦笋，够晒丰富。水果茶(特别menu)有洛神花、苹果、山渣等，因为2个set已经好饱，饮返杯酸酸地嘅热茶感觉舒服好多。最后食完系超饱，份量系一啲都唔少，尤其系份沙律同意大利饭。另外个日有枱客人庆祝生日，有职员捧生日蛋糕之余仲好细心咁播埋生日歌，想食生日饭又有质素嘅西餐，呢间绝对系一个好选择啊。