8鍋臭臭鍋 (金巴利道) (已結業)

呢晚同中学同学食饭，佢就建议去呢间8锅臭臭锅，我七点三到，都要等成半个钟， 真系好多人排队，条龙好长，想试一试臭臭锅嘅朋友可能要多一点嘅耐性，可能因为一人一煲啦，环境都几逼下。真系好多人排队，唔系讲笑。我就第一次食，惊太臭冇叫到佢个招牌臭臭锅，所以叫咗个台式麻辣锅（＄１１２），仲要系小辣𠮶只，味道就唔系好辣。 里面有大白菜，牛肉片，麻辣饺，鱼蛋，大肠，等等等等... 仲有个泡面添，真系好丰富！味道唔错， 啲配料亦都好多，最后都食净咗米血糕，个人唔系太喜欢食。嘢饮方面我买咗香芋奶茶（＄２８）， 甜咗少少， 食啲咁浓味嘅嘢应该要饮番啲清淡嘅饮品中和下。