你妳 (已結業)

放假懒得煮饭，就决定咗买外卖，同屋企人都有共识食台湾野。食物款式都几多，除咗有台式便当之外，仲有蛋卷、吐司、牛肉面、台式甜品同埋饮品，价钱亲民。外卖包装得好好。盐酥天使鸡扒便当鸡扒大大块，虽然外卖，但系外皮都仲有少少脆，粉浆厚薄适中，鸡扒肉质嫩滑juicy，而且调味啱啱好，咸香入味。便当配有卤肉饭同埋卤水蛋，白饭煮得啱啱好，软硬适中，卤肉份量几多，味道香醇浓郁， 肥瘦适中，香嫩可口，捞埋白饭啱啱好。夜市盐酥拼盘便当拼盘有台湾香肠、芋头海鲜饼、甜不辣、卤蛋同精选配菜。台湾肠饱满，食到一粒粒嘅肉丁，味道咸香，肉质爽口。海鲜饼同甜不辣都唔错，口感烟韧。便当更配有饮品，我就拣咗汽水。肉松芋泥吐司吐司厚度适中，表面仲保持略脆，口感松软。芋泥同肉松份量多，铺满成块吐司，芋泥顺滑绵密，芋头味道香浓，甜度适中，肉松系口中咀嚼时会有很明显的肉的口感，甜咸甜咸，有层次感。