花木日本料理 (已結業)

今晚同个friend去左呢间花木食日本菜，我地嗌左鹿儿岛和牛盛宴大满足之火锅 。呢个set除左有火锅之外，仲有寿司，刺身，甜品等等，唔洗斋食火锅咁闷。首先黎左个头盘，系红酒荞头配芥辣八爪鱼。荞头好酸不过几开胃，八爪鱼系浸落wasabi酱到，都好辣下之后到寿司，有三文鱼，火灸左口鱼裙边同蟹肉寿司。寿司饭用左赤醋，红红地色咁。寿司鱼油足够。刺身方面，所有食材都好鲜味，食到最尾都冇腥味。帆立贝同生蚝都好大粒，而龙虾嘅虾膏都好香。个人觉得火锅前面嘅野食较为出色。火锅方面我地拣左昆布汤底，清清地可以食到食材嘅原味道。火锅主打系松叶蟹，松叶蟹蟹肉好多，点少少蟹醋食落就更鲜甜。而其他配料都不过不失。火锅套餐最后仲有个烟韧的抹茶蕨饼同香浓嘅芒果布甸，都几抵食。