baby café (已結業)

之前都嚟过baby café，觉得D食物唔错。今日晌朗豪坊睇完戏，顺带再同朋友嚟食。仲发觉原来近期更新咗餐牌，有好多新菜式，望相都几吸引。鲜茄忌廉梭子蟹意大利粉，意大利粉好够味，要赞系完全唔干身，酱汁好Creamy，每啖都好易入口，而且好有鲜味，值得推介。日式鸳鸯蛋包饭，配两款酱汁，白汁及咖哩汁，而个人认为咖哩汁唔错，少少辣，岩晒我D唔系点食得辣之人。小食有好多款，简直花多眼乱呀! 拣咗碟推介之一嘅车打芝士是拉差焗酿蟹肉磨菇。菇菇有好多芝士包住，入面亦有蟹肉碎，味道好夹，有少少辣辣地，好味!我哋仲点咗瓶Sangria碰杯，水果酒调配得刚刚好，酒味不太浓，浸埋多款水果，包括士多啤梨、橙 、苹果、柠檬，不过就切得比较大旧，要用羹嚟食，水果好新鲜，令整个酒味道带点甜甜地，好易入口，一口接一口!呢餐好丰富，而且食物质素唔错。