麺屋武蔵 (MOKO新世紀廣場) (已結業)

今日喺新世纪行街，见到武藏面屋嘅宣传好吸引，于是同朋友一齐去食！我哋叫咗：黑武骨 豚角煮 $79 佢件豚角煮好肥美，一啲都唔鞋，而且份量好多，索晒汤汁，juicy!面质软硬啱啱好，佢系浓厚豚骨汤底，加上用烧香左嘅长葱同埋玉葱制成嘅黑蒜油，味道好香浓，层次都几丰富，同埋佢嘅拉面系自家制，感觉系一碗好正宗嘅日本拉面！赤武骨 豚肉片 $75 呢一个同上一碗汤底一样，都系豚骨汤，不过就加咗秘制辣由，食落好惹味，佢唔会太辣，带来左味蕾上嘅刺激。二重色(南瓜、紫薯栗子)$42 外层好松脆，里面嘅馅料都系我钟意嘅嘢，紫薯同埋南瓜都系好香甜嘅😝七味鸡软骨唐扬$39 好香脆，粒粒都好有咬口，加埋沙律酱食，食完一粒又一粒，太滋味菠萝🍍特饮$15 巨峰葡萄椰果特饮$15 椰果粒好多！呢度坐得好舒服，而且服务态度好好，店员亲切殷勤，同朋友嚟呢度食嘢系好选择。