Piano Piano Cafe

营业中

休息中

基本上，我系为松饼（疏乎厘班戟）而嚟，但未食嘅我哋都要食啲主食先😜我哋首先叫左个意粉套餐，$248 包一个意粉，一个小食，两杯饮品同一个松饼。意粉有蒜香白酒蚬肉意粉，意式卡邦尼意粉，牛油果香草酱意粉，猪柳蛋拿破仑意粉，黑松露杂菌意粉，牛肝菌汁烟鸡胸意粉，芥末子烟鸭胸意粉，蒜香奶油虾意粉和山贼炒猪颈肉意粉。款款吸引，如果唔食套餐，每款意粉都系$78咋！我地首先选左蒜香白酒蚬肉意粉，意粉尚算干身👍，蒜香味平均，几钓到味之余又唔会过浓，都有几多蚬肉，蚬肉又够干净，意粉够弹牙。另外我哋点咗牛肝菌烟鸡胸意粉，有四大片烟鸡胸，鸡胸较干身，唔会肥，牛肝菌汁味道香浓，我朋友食得好滋味，份量都多又唔油腻！抹茶牛奶 $46 加 朱古力 $40 都好味，抹茶劲浓而且充满茶香味，又感觉可以解腻，加上劲丰富嘅枫糖原味厚松饼同红豆抹茶厚松饼，用料十足，好香蛋味，枫糖就按自己喜好而落几多，好够fluffy，仲有重点推介抹茶，有大量红豆同微苦嘅抹茶，食到我哋劲满足🥰。