JK Brother's (已搬遷) 新店位置

番左几日工已经好攰咁制，难得今日放假紧系要同好朋友聚下 尽谈心事。系大型商场Apm扫完货系时候食晚餐 之后去左开源道寻觅好野食。当日落紧大雨 见𠮶阵仲有啲凉凉地就想试下食暖笠笠既野 朋友就介绍左依一间工厂大厦入面既韩国餐厅。一上去已经睇到𠮶门口位 好似吸引住你入去咁 ，系睇门口位既海报已经流哂口水。一入到去环境唔算话好大 坐位宽阔不太迫。打开餐牌头页就望到有五款炸鸡 有唔同味道可以拣，其他页都系铁板 锅物 牛糕 小食 特饮。我地拣左半份蜜糖牛油炸鸡，韩式步兵锅，葡萄园之恋蜜糖牛油炸鸡好正无骨之余仲要每一啖都系肉 ，即叫即炸 𠮶皮又够脆卜卜，亦唔会因为𠮶汁而整到𠮶皮唔脆韩式步兵锅超大份量而且材料丰富，有冬菇，午餐肉，金菇，年糕，韩式鱼片，脆皮肠，芝士 仲有主角公仔面。葡萄园之恋比海报既卖相吸引，系巨峰提子沙冰甜度啱啱好，而且大大杯 消暑一流！