影片
更多
2020-10-05
427 浏览
呢日中午去新世纪拎曲奇，顺便买埋靓午餐返Office食。想食拉面于是就拣咗「麺屋武蔵」，难得劲快决定好😎。餐厅有做外卖自取套餐🥡，有饭有面拣，价钱介乎$48-$79不等，沾面就最贵，无计啦始终系招牌。另外，仲有小食加配选项。等食物期间留意到餐厅环境几唔错，主题系日本武士，唔通餐厅名称都系同呢样嘢有关🤔？面食得沾面一款，唯一可以拣嘅系三选一沾面汁，所以我决定要一个面同一个便当，咁就可以食多款口味。同时，我仲加咗小食，估唔到份量都几多，食完饱哂🤰。 留意番，呢度系二人份量，我无咁大食！叉烧沾汁面($79)，我都好耐无食过沾面🍜，我喺度谂其实外卖食沾面好似仲好过拉面，根本同堂食无咩分别，因为都系分开上，唔驶担心面质嘅问题。自己加热番个汁就OK👌。先讲沾面汁，有得拣⚪️白武骨、🔴赤武骨同⚫️黑武骨。最后者系黑蒜油，唔驶谂可以即刻排除在外。由于想食辣，所以就拣咗赤武骨，日式辣应该轻松！果然辣度系唔错🌶，份辛辣会停留喺喉咙一阵，但条脷就无问题，可以继续食，加上够咸，正😋。题外话，沾面汁入面有几粒豚角煮。面条好特别，我以为自己眼花😅，因为每条都好粗，两条幼面打孖痴住。食落几烟韧有咬口，适合挂汤，但唔知点
呢日中午去新世纪拎曲奇，顺便买埋靓午餐返Office食。想食拉面于是就拣咗「麺屋武蔵」，难得劲快决定好😎。
餐厅有做外卖自取套餐🥡，有饭有面拣，价钱介乎$48-$79不等，沾面就最贵，无计啦始终系招牌。另外，仲有小食加配选项。
等食物期间留意到餐厅环境几唔错，主题系日本武士，唔通餐厅名称都系同呢样嘢有关🤔？
面食得沾面一款，唯一可以拣嘅系三选一沾面汁，所以我决定要一个面同一个便当，咁就可以食多款口味。同时，我仲加咗小食，估唔到份量都几多，食完饱哂🤰。 留意番，呢度系二人份量，我无咁大食！
叉烧沾汁面($79)，我都好耐无食过沾面🍜，我喺度谂其实外卖食沾面好似仲好过拉面，根本同堂食无咩分别，因为都系分开上，唔驶担心面质嘅问题。自己加热番个汁就OK👌。
赤武骨
5 浏览
0 赞好
0 留言
面条好特别，我以为自己眼花😅，因为每条都好粗，两条幼面打孖痴住。食落几烟韧有咬口，适合挂汤，但唔知点解令我谂起零食童星点心面...哈哈。𩠌料有两大片🐷薄叉烧、🥚溏心蛋同笋。
牛肉鲭鱼日式四格便当($58)，便当盒超大个🍱，份量十足，两款𩠌味道都几好。汁煮牛肉好惹味，连洋葱都好食；鲭鱼肉质结实，下低仲有啲腌菜。前菜系卖飞佛麻酱波菜，🍚而白饭加咗饭素无咁单调，但略嫌笠身咗啲。便当更附送味增汤。
武蔵炸鸡
$38
11 浏览
0 赞好
0 留言
武蔵煎饺子($38)，我沾面记得走葱，但饺子漏咗招😖。煎饺子有五只🥟，并无煎㶶，味道正正常常，无咩特别。
总括嚟讲，呢餐系好丰富嘅麺屋武蔵外卖午餐，本身只系因为想食面先帮衬，但食落又发觉几好👍。实不相瞒，N年前就系食完重口味黑蒜油吓亲宝宝，所以唔敢再食。不过只要拣啱口味就完全无问题，仲好滋味添！
张贴
