影片
更多
2021-06-21
630 浏览
鮨白鸟由来自九州嘅资深师傅原田诚先生亲自主理，食材亦主要来自九州当地，甚至寿司米及紫菜亦用料讲究，使用日本九州产，令食客于香港都感受到浓浓嘅九州风味。由于价钱合理，质素又高，所以一直都收获唔少好评。呢日就抓住年假嘅尾巴，一个人去咗鮨白鸟享受高质日本午餐！午市套餐选择甚多，价钱由$148至$458不等，既有刺身定食丶寿司定食，亦有唔少海鲜及和牛丼选择。初次到访，决定先试寿司定食，试试师傅嘅手势！寿司定食($298)寿司定食包括：小钵丶茶碗蒸丶寿司盛丶味噌汁丶甜品，十分丰富。是日小钵系汁煮鱼鲛，鱼鲛煮得又淋又入味。茶碗蒸做得相当滑溜，而且加入三粒带子增添鲜味，诚意十足。寿司定食有7件再加3小卷，店员非常专业地介绍每种食材嘅日文及中文。比较特别嘅有吉备奈子，我系第一次见！店员介绍话系一种好细条嘅银带鱼，鱼味淡口带少许回甘。赤身经酱油腌渍，鱼肉比平时食到嘅更为柔软。牡丹虾亦非常新鲜，口感软滑，味道鲜甜，网上见到曾经配上虾膏，想必鲜味更加倍！深海池鱼鱼味香浓，同样令人回味！舍利选用日本九州产嘅「日光米」，黏度适中唔容易散，食落带有少少咬口，比其他日本米更有口感。甜品有我至爱嘅抹茶蕨饼，每块蕨饼都
午市套餐选择甚多，价钱由$148至$458不等，既有刺身定食丶寿司定食，亦有唔少海鲜及和牛丼选择。初次到访，决定先试寿司定食，试试师傅嘅手势！
寿司定食($298)
寿司定食包括：小钵丶茶碗蒸丶寿司盛丶味噌汁丶甜品，十分丰富。
是日小钵系汁煮鱼鲛，鱼鲛煮得又淋又入味。
茶碗蒸做得相当滑溜，而且加入三粒带子增添鲜味，诚意十足。
寿司定食有7件再加3小卷，店员非常专业地介绍每种食材嘅日文及中文。比较特别嘅有吉备奈子，我系第一次见！店员介绍话系一种好细条嘅银带鱼，鱼味淡口带少许回甘。赤身经酱油腌渍，鱼肉比平时食到嘅更为柔软。牡丹虾亦非常新鲜，口感软滑，味道鲜甜，网上见到曾经配上虾膏，想必鲜味更加倍！深海池鱼鱼味香浓，同样令人回味！舍利选用日本九州产嘅「日光米」，黏度适中唔容易散，食落带有少少咬口，比其他日本米更有口感。
甜品有我至爱嘅抹茶蕨饼，每块蕨饼都沾满浓郁回甘嘅抹茶粉，软糯甜美。
张贴
