養心殿台式養生鍋 (已搬遷) 新店位置

今日难得同好朋友一齐放假，系朗豪坊睇完戏，就一齐去食午餐。之前有黎过养心殿打养生边炉，知道原来中午有台式套餐，有包埋三款前菜一汤同一款饮品，好似都唔错，今日就专登过黎食。其实几钟意餐厅既装潢，有种宁静既感觉，上次我地打边炉系坐呢啲枱，有个炉set左系中间，啲位都几阔。今次唔系打边炉，就坐左另一种枱，系冇炉既，就更加阔落。我地两个都有选择困难，都谂左阵，最后我拣左盐酥鸡肉燥捞面(个人向来喜好面多过饭)，朋友拣左九层塔三杯鸡饭。盐酥鸡肉燥捞面：盐酥鸡香酥脆，咸度适中，份量仲好多，好味！至于肉燥面，面质系唔错既，不过单食佢会比较淡味，要配埋啲盐酥鸡一齐食先得。九层塔三杯鸡：朋友话食落比较似酱油鸡，味道系好好既，但佢就觉得要再摆多啲九层塔。跟餐三前菜：通常前菜总会有啲系我唔钟意食既，但呢度出奇地三款都好好食，最钟意中间果款，酸酸辣辣，口感爽脆，虽然唔知道系咩黎台式炖汤：呢个系人参乌鸡汤，真系惊喜，竟然有咁大旧乌鸡！ 啲鸡好入味饮品：朋友拣左乌梅汁，我就拣左润喉既杞子菊花蜜，两杯饮品都略为甜左啲，但系味道唔错，冻饮都ok既。总体黎讲系满意，环境舒适，同朋友边食边倾返头先出戏，好写意。