龍鳳祥餃子館 (已結業)

想食担担面好耐，今日行过见过有担担面之余仲有饺子，就走左入去食。睇menu都已经流哂口水，样样都想食。鸡丝拌粉皮真系不得了，个麻酱又浓又香，好耐冇食过咁好食嘅麻酱，粉皮又够爽，绝配。朋友叫京式炸酱拌面，份量好足，带有甜味，加埋青瓜够爽，口感丰富，朋友大赞。醉鸡有埋碗仔载骨够贴心，鸡件都嫩同入味，我唔食到好咸就觉得略为咸左啲。不得了嘅担担面，完全冇谂过咁大碗，个汤微辣带有花生酱味，面条烟韧挂汤，对口味！饺子双拼(芹菜猪肉、肉三鲜)配犇汤，个汤同台湾牛肉面个汤好似，饮落好重肉嘅鲜甜，浓得黎一啲都唔油，好舒服！饺子size啱啱好，皮够烟韧，馅料新鲜，味道都好平衡，肉三鲜比较好食，因为味道好鲜，虾同猪肉夹起黎相得益彰！