舢舨泰菜館 (已結業)

  星期四晚相约了几位好姊妹走去试下朋友推介之泰国餐厅，听闻话系正宗泰国人煮。朋友话"位置唔系大街，有少少偏远，要经过鲗鱼涌街市再行多一段路，但唔难揾嘅，因餐厅门外有悬挂灯饰装置，远处已经望到"。果然真的唔难揾㖞，我地由鲗鱼涌地铁到餐厅大约行左10分钟。餐厅门前装饰好靓，因当晚天气转凉，所以令人感觉好温暖。  餐厅环境唔系太大，但好舒服干净，我地几个大胃王好快己经点选左大约九款食物，之后叹住泰国啤等待食物制作。好快先递上两款小食，适合送酒跟住好快上生虾，肉质超新鲜。有ｄ海鲜系可以订位前order，餐厅老板会系早上特登为我地亲自挑选预留，所以十分新鲜鲜甜。乌头都不错，估唔到肉质咁鲜滑呢个招牌菜未出，ｄ香味已经由厨房传出嚟，不负所望真的好好味，咖喱汁好味到我地order个烤饼同法包伴食添，最后餐厅还有甜品送上，味道好清甜。呢餐大家吃得好满足，朋友真系无介绍错，虽然餐厅细少，但食物质素好高，餐厅老板好用心，仲有好多款式未试，所以好快我地会再次光观。