金凱小廚 (已結業)

好日唔入一次大围 今日嚟到当然要揾好嘢食 你都小食亭最有风味嘅地方 今日拣咗食鸡煲 因为早嚟嘅关系一开始好似冇咩人咁 点知坐咗半个钟 竟然开始全场满座食物方面先系食鸡煲 拣咗小辣 酱汁味道香浓 鸡嘅肉质都好滑 佢嘅味道方面系偏向麻辣嘅 感觉几正宗 鸡肉觉得唔够仲可以再添 不过我哋就够啦我哋拣咗最经济实惠嘅餐 会包每人三串串烧 然后就系任食嘅打边炉啦 串烧方面最欣赏焗蚝同埋焗扇贝 新鲜嘅海鲜上面铺满满满嘅芝士 焗得好香 如果钟意食呢两款嘅朋友仔建议升级个套餐可以任食 应该好爽皮边炉方面我哋拣咗沙嗲汤底 一开始食真系好正 因为汤底非常杰同埋浓 但食耐咗就会开始滞 不过店员都非常好 一直问我哋有咩改善嘅空间 我哋亦都讲咗畀佢听 睇得出佢系好想进步嘅 非常不错哦 不过好在佢食物好新鲜 食得两条菜就冇问题啦🤠🤠 下次有机会试过清啲嘅汤底 咁应该会好perfect