Cafe Fabulous

营业中

休息中

去到旺角行街行到好攰嘅时候，最啱嘅就梗系要去旺角嘅一啲楼上Cafe度坐下，休息一下啦！于是揾吓揾吓就见到呢一间cafe fabulous！望落去都几正，所以就入去叫嘢食啦！叫咗一个好抵食嘅二人餐！小食方面就有呢一个脆炸芝士虾球！份量都几多，而且呢一个芝士虾球嘅味道好特别，真系满满嘅芝士味道，再加埋虾肉嘅味道非常之夹！主食就有芝士肉酱千层面同埋咖喱吉列大虾饭！我都几钟意呢一个芝士肉酱千层面，上面就系满满嘅薯蓉，再加芝士，令到成个千层面嘅口感层次更加丰富！而且，呢度嘅肉酱亦都好好食！饮品我自己就叫咗呢一个青苹果梳打！就咁睇呢个卖相就已经觉得好靓好开胃啦！饮落去嘅时候酸酸甜甜嘅青苹果味道，好解腻！唔错唔错！