越一越南牛肉粉專門店 (已結業)

天气开始转，胃口都跟住转，想食啲清淡啲，就会谂起越南野食。依间有听朋友讲食过黄大仙分店味道都唔错，见到荃湾都有分店，收工就去试下。见餐牌有套餐，配搭都唔错，拣左个牛油鸡翼二人餐，可以拣两个汤粉，再拣一个小食，每个套餐都配多一碟菜或萝卜同一人一杯饮品。我地要左生牛肉汤河同牛坑腩片汤河，小食系猪颈肉米纸卷。汤河黎到够晒热，汤头清甜可口，生牛肉厚薄岩岩好，浸一浸就熟，嫩滑有牛味。牛坑腩够稔得黎又有口感，而且咬落唔会黐牙。米纸卷系猪颈肉，好大卷里面有檬粉青瓜同萝卜嘅泡菜，唔点汁都食到酸酸甜甜，点埋汁会够味好多，清爽开胃。其实主角系牛油鸡翼，上台就闻到好香，连埋炸蒜一齐食，好香口好野味，热气都要食，鸡翼迷一定要食。最后饮返杯三色冰，椰奶味香，三色冰分量都几多，依个二人餐嘅好处系小食几多，份量岩晒女仔，仲有碟菜送，全套齐晒。位置又近地铁站同巴士站，谂唔到食咩嘅朋友仔可以去试下。