漁品酸菜魚火鍋放題 (已結業)

$275真系超级抵劲多嘢食一去到就已经有四款小食。我觉得黑松露虾多士好食，因为黑松露味好香，虾多士即炸好脆；鱼角都几弹牙；麻香鸡脚有麻辣香味，都几辣；仲有笋。刺身拼盘相当丰富，有生蚝🦪、带子、三文鱼、虾及油甘鱼，味道都几新鲜。食完之后可以拣鸡煲或酸菜鱼，我哋拣咗酸菜鱼微辣。鱼块够滑，酸酸辣辣。之后就拣火锅汤底打边炉。拣咗牛骨汤，有鱼肚、杞子、虫草花等，好足料。先来海鲜拼盘：啲虾仲郁，非常新鲜。仲有扇贝、鲍鱼、青口。其他火锅配料任点任食，有牛有猪，丸饺、蔬菜🥬。自助区任饮、仲有甜品。超抵食！