鍋心八鮮蒸鍋 (已結業)

曾经帮衬过锅心粥底火锅两次，都有一个唔错既体验，觉得d海鲜都好新鲜又鲜甜。见到锅心开左蒸锅既分line，决定试一试蒸既海鲜味道又系如何。 去食海鲜当日系星期五。早几日打电话book左位晚上8点，去到餐厅楼下已经人头汹涌，原来大家都等上一场落场，8点钟入去食。如果想食龙虾，记得要book位个时讲声，我个日去到就得番肉蟹。海鲜方面，长话短说。拣左肉蟹(清蒸)，白蚬(泰式酱)、鲍鱼(古法豆酱)、海虾（泰式酱)、多宝鱼(剁椒)、鱿鱼肠粉(沙嗲酱)、象拔蚌仔(金银蒜)，仲有蛏子(豉汁)。事不宜迟，立即去图。成个食蒸海鲜既过程其实节奏好快，留意到有其他枱既食客会示意员工可以慢番少少因为有d食唔切既感觉。(我都有少许认同)话咁快食晒海鲜，就到食八宝饭既时候。配料拣左: 虾酱猪腩肉，鸡软骨肉饼、银鱼仔、芋头、豉汁排骨、咸酸菜同埋节瓜。面头既花生可以选择落或者唔落。因为无听清楚侍应讲咩，乱咁点头，结果落晒d花生食个时又要挑番出黎，唔过瘾味道唔错，正常发挥。最后，食埋糖水就完左呢个丰富既晚餐。总结，我觉得都系一个唔错又新奇既体验。食材新鲜有保证。不过如果粥底同蒸锅黎讲，我会喜欢粥底版既锅心多d，因为可以饮