北海道牧場餐廳 (已結業)

12点前黎到, 所以好幸运唔洗等位。离开既时候, 就见到好多人喺门口等.....叉烧汤意粉:汤好浓, 偏油, 所以我净系饮了几啖。叉烧肉份量都几多, 肉煮到好腍同入味。北海道牧场餐厅仲撒了一些绿色既 dried parsley 做 garnish, 令成个餐既 presentation 加分! 感觉顿时变了高级少少既西式版港式茶餐。炒蛋好香, 好滑,见到一层层, 好松软, 里面仲有一小部份系半生熟既蛋浆,所以炒得刚刚好!!但好似好重既牛油味多过北海道牛奶味?仲有厚厚既牛油多士! 因为实在有点饱,所以净系食了一块面包。里面搽满金黄色既牛油, 好香!! 北海道咖啡:哈哈哈, 我落了太多糖, 所以杯咖啡太甜...但都饮到咖啡好滑, 好香!下次落少一包糖, 先可以真正试到呢杯北海道咖啡既味道。位子有点窄同逼, 所以食完就走。