掌壽司 (已結業)

观塘工厦向来都多隐世特色小店，今次黎到骆驼漆依间掌寿司，主打日本空运刺身同寿喜烧，当中见到佢地既二人套餐就最包罗万有😚1. 柚子汁拼带子刺身沙津沙律菜同带子十分新鲜，配上柚子汁，开胃一流😊2. 刺身盛（鲷鱼，油甘鱼，拖罗，赤虾，活赤贝，海胆）时令刺身加上精心既摆盘，真系令人垂涎三尺，由富有口感既油甘鱼食到最后肥美既大拖罗，每一款都各有特色，听店员讲个menu仲会依季节而转变，真系既不时不吃。3. 寿司盛（池鱼，碎葱吞拿鱼茸，帆立贝）三款寿司当中最爱就系池鱼，口感系我至爱，有咬口加上油脂感适中。4. 澳洲M9和牛锅物汤底系寿喜烧汤，同和牛真系夹到天衣无缝，加上，仲有少量粉丝同杂菜拼盘，唔怕唔够食呀🥰5.天妇罗沙甸鱼沙甸鱼用一层薄薄既炸皮包裹住，不是太油，食哂都唔太heavy最后以豆腐雪糕作结，可以话三个人食都够饱呀！