影片
更多
2017-09-15
181 浏览
最近同朋友去西贡食海鲜，我地先喺渔贩𠮶边买左啲海鲜再拎去餐厅加工，当餐厅问啲蟹想点整𠮶阵，我地不约而同咁叫姜葱炒。姜葱炒食落有镬气，但可能餐厅「重手咗」，啲姜葱味遮晒个蟹味，浪费咗只蟹。我朋友就话不如下次去食蟹火锅，佢之前喺铜锣湾Master Kama食过，餐厅主打龙虾相关菜式，但特别在有一个日式蟹火锅set，汤底系昆布清汤，完全可以食出鲜味。餐厅装修几有格调。首先登场嘅系六小钵，摆咗喺一个分为六格嘅小木盒入面，和风式简约。六小钵分别有：海盐枝豆、虎虾配芒果慕丝、柚子醋海藻沙律、酸辣罗勒海蚬、蟹子日式冻豆腐、蟹肉玉子烧虎虾配芒果慕丝 - 虾味道新鲜肉质爽弹，甜甜的鲜芒果酱和虾肉很匹配，仲有微酸的蕃茄粒增加味道层次。蟹籽日式冻豆腐 - 蟹籽舖满晒喺冰冻嘅豆腐上面，食落好凉快，蟹籽配豆腐口感特别。柚子醋海藻沙律 - 日本人钟意食海藻，有抗癌、抗肿瘤功效，唔怪得日本人普遍长命。海藻本身冇乜味道，但配上柚子醋就开胃，咁有益当然要食晒佢~蟹肉玉子烧 - 玉子上面系真蟹肉唔系仿蟹柳嚟，厚厚玉子阵阵蛋香加上鲜蟹肉，一流。酸辣罗勒海蚬 – 蚬足够鲜甜，不过稍欠酸辣味芝士蟹肉酿蟹盖 - 伴碟有三文鱼子同
餐厅装修几有格调。
首先登场嘅系六小钵，摆咗喺一个分为六格嘅小木盒入面，和风式简约。
六小钵分别有：海盐枝豆、虎虾配芒果慕丝、柚子醋海藻沙律、酸辣罗勒海蚬、蟹子日式冻豆腐、蟹肉玉子烧虎虾配芒果慕丝 - 虾味道新鲜肉质爽弹，甜甜的鲜芒果酱和虾肉很匹配，仲有微酸的蕃茄粒增加味道层次。
蟹籽日式冻豆腐 - 蟹籽舖满晒喺冰冻嘅豆腐上面，食落好凉快，蟹籽配豆腐口感特别。
柚子醋海藻沙律 - 日本人钟意食海藻，有抗癌、抗肿瘤功效，唔怪得日本人普遍长命。海藻本身冇乜味道，但配上柚子醋就开胃，咁有益当然要食晒佢~
蟹肉玉子烧 - 玉子上面系真蟹肉唔系仿蟹柳嚟，厚厚玉子阵阵蛋香加上鲜蟹肉，一流。
酸辣罗勒海蚬 – 蚬足够鲜甜，不过稍欠酸辣味
芝士蟹肉酿蟹盖 - 伴碟有三文鱼子同埋火箭菜，呢两样我都超钟意食。
蟹盖上面插住一块白饭鱼干片，食落好脆口又惹味，好似零食咁上瘾。
芝士同蟹肉都好多，而且已经融为一体，食落软绵绵，啖啖芝士啖啖蟹肉，真系超级满足。
日式火锅系用咗纸火锅，店员提醒啲食材放落去就得，千祈唔好揾筷子用力笃，如果唔系整穿张纸啲汤泻晒就好"Le Hea"，而且有机会渌亲。不过用纸火锅感觉真系好传统日式，我钟意~
店员话食完海鲜再食蔬菜，咁个汤就可以先吸收海鲜嘅鲜甜味，啲蔬菜就更加好食。
主角海鲜火锅出场啦，有蟹、青口、虾，都系用木盒上，贯彻日式风格。
蟹真系几大只，蟹爪蟹脚又粗，而且多羔。
八只青口都算几多，食落鲜甜不过青口肉细粒咗啲。虾就只有两只，不过size算大，肉质鲜爽。
蟹件大大件，食落啖啖浓郁蟹鲜味，好满足，另外个汤底本身亦都好好味，喺提升鲜味方面功不可没。食完海鲜再试吓啖汤，果然鲜味倍增，忍唔住斟左成碗饮。
食完海鲜就到蔬菜配料，除左鲜菜仲有菇、南瓜片、鸣门卷、鱼饼。个鸣门卷系黄色同粉红色，上面有心型同星型图案，好特别，鱼饼又真系成条鱼嘅形状咁。成个拼盘份量适中。
蟹之杂炊，炊饭上面有真蟹肉，成个饭湿淋淋，日式意大利饭咁样，质感软绵，食落啖啖每一啖都充满纯正蟹味又唔会过咸。
甜品就系西式而非日式 - 粉蓝色嘅云呢拿雪糕上面洒左彩色朱古力碎，都几靓，食完热辣辣火锅同炊饭食返个雪糕降吓温都唔错。
成个SET都算几多嘢食， 除了主角海鲜拼盘之外， 我都钟意六小钵，好多花款又好食。 另外杂炊系第一次食，几有新鲜感。诚意推介!
张贴
