Mo Mo Kushiage (已結業)

放假去咗食日本嘢，呢间有得食炸串，令我谂返起大阪旅行。午市套餐有几款炸串套餐选择，但系朋友热气喉咙痛，所以我哋都系单点其他嘢食，再单点一款炸串过过口瘾。五点刺身拼盘 $365有松叶蟹脚、带子、日本天使虾、三文鱼、三文鱼子。鱼生新鲜，其中我最钟意鲜甜松叶蟹脚同埋爽滑天使虾。日本门鳝$48串跟住嚟返串炸串，门鳝系季节性。炸粉香脆，门鳝鲜嫩，鱼油好香，沾上自家制嘅酱汁，风味更佳。大葱鸡肉串$38串鸡肉烧得香而且Juicy，啖啖肉；配上惹味大葱，味道真系冇得输。鸡心串$32串呢个好爽口，烧得香，用嚟送酒一流。鸡颈肉串$32串呢个都好好𩠌酒，鸡肉好有油香，肉质爽嫩。盐烧牛小排$208牛小排肥美，肉质粉嫩，配上炸蒜片或者盐都各一风味。黑松露牛油焗杂菇$88一打开好香，牛油同埋黑松露嘅香气四溢，配上爽滑嘅唔同种类菇菌，好好味。明太子茶渍饭$58明太子咸鲜咸鲜，配上茶渍饭，简单又好味。乌冬$58好烟韧，一啲葱花、紫菜加清汤已经好好食。饮品方面，我哋楝咗京姬柚子x甜梅（$65）、京姬柚子x柠檬（$65），好易入口，冰冰冻冻，直情好似果汁咁，几清香。