常聚 (已搬遷) 新店位置

经朋友嘅介绍，星期三嘅早上嚟到呢一间餐厅食早餐。叫咗个番茄浓汤猪膶通心粉同火腿奄列同蒜蓉包。蕃茄浓汤猪润通心粉，好重蕃茄味，个汤非常厚身，非常之好。猪润数量都好多，同埋都好爽口。个火腿奄列都好好食。而个蒜蓉包就值得一赞，因为做法一啲都唔马虎，两边都有用蒜蓉去整。但系都要等起码5分钟先有嘢食。所以如果早餐赶住返工嘅话呢，就要预早少少。啲阿姐嘅服务态度都非常之好。价钱都同其他茶餐厅嘅早餐差唔多，但系佢哋煮法上嘅细心同认真系值得一赞嘅！