影片
更多
2023-06-25
81 浏览
星期五晚约左朋友食饭，今次试吓位于红磡嘅红葱头。餐厅环境够大够宽敞。晚市套餐有多款选择，配有汤、面包、饮品。职员服务都唔错~唐扬脆脆鸡翼($42)鸡翼外皮炸得脆，肉质唔干。点埋酸甜嘅沙律酱，中和左油腻感。铁板薄西冷拼鸡扒($115)铁板餐可以选择黑椒汁或者烧汁，铁板嚟到好够热，一倒汁咋咋声。西冷扒同鸡扒都大大块，而且肉质软腍，配埋薯条同蔬菜，好丰富。鲜茄蜜烧凤梨焗豚肉饭($98)猪扒肉质松软，焗饭系炒饭底，够干身，而且带点蛋香。配埋酸酸甜甜嘅蕃茄酱同埋菠萝片，几开胃。自家制心太软($29)心太软流浆够多，朱古力味几浓郁，唔会好甜。另外更可以加$9配意大利雪糕球，当日有芒果味同朱古力味，心太软配雪糕一冻一热咁食几正👐🏻
晚市套餐有多款选择，配有汤、面包、饮品。职员服务都唔错~
唐扬脆脆鸡翼($42)
鸡翼外皮炸得脆，肉质唔干。点埋酸甜嘅沙律酱，中和左油腻感。
铁板薄西冷拼鸡扒($115)
铁板餐可以选择黑椒汁或者烧汁，铁板嚟到好够热，一倒汁咋咋声。西冷扒同鸡扒都大大块，而且肉质软腍，配埋薯条同蔬菜，好丰富。
鲜茄蜜烧凤梨焗豚肉饭($98)
猪扒肉质松软，焗饭系炒饭底，够干身，而且带点蛋香。配埋酸酸甜甜嘅蕃茄酱同埋菠萝片，几开胃。
自家制心太软($29)
心太软流浆够多，朱古力味几浓郁，唔会好甜。另外更可以加$9配意大利雪糕球，当日有芒果味同朱古力味，心太软配雪糕一冻一热咁食几正👐🏻
张贴
