泉章居

营业中

休息中

同同事庆祝生日，拣左呢间酒楼，好彩之前订左位，我黎到时见到门口坐满人等位，佢已分左两层，但都full，同埋打电话个阵，佢话book左都要等多阵先入得，应该几出名下。我地被安排坐一楼，都算阔落，同埋冷气够，环境不错了！因为一行11人，所以叫左好多野食，我逐碟逐碟讲啦。首先系梅菜扣肉，佢旧猪肉好lum好入味，油脂分布平均，唔会得旧肥猪肉，送饭确实一流，但最衰无试佢d梅菜。佢个霸王鸡超好食同埋好大碟，鸡肉好嫩滑，佢d姜葱唔同一般咁油浸，切哂粒俾人点黎食，佢系切丝舖上面，咁样就容易夹到黎食，同埋无油，食落唔会成口油。个菜就普通腐乳炒通菜。春卷配猪大肠，我觉得个春卷唔多掂，皮好厚(就算脆)，入面配既系菇，但个味好怪，总之唔好食....个猪大肠ok，但略嫌佢炸得太耐，有d硬！个蒜片牛柳粒好食，因为好lum又入味，但普通货式，无咩好讲。灵芝菇炒烟鸭胸，我觉得d味同牛柳粒差唔多，我估都系一样既秘制照烧汁，不过唔同既系个烟鸭胸超硬，差d 扯烂我d牙！个酸甜猪扒好食，唔太酸唔太甜，味道刚刚好，猪扒够lum！红烧豆腐我觉得一般，因为我觉得d豆腐颇硬，个汁又唔够味，好淡！炸白饭鱼(唔系椒盐，系点喼汁)，个鱼本