Le Marron (已結業)

爸爸生日，全家去左铜锣湾法国菜餐厅Le Marron食庆生饭，地点都方便地铁站一出就揾到，呢到暗暗既灯光，高雅既装修，每张枱既餐具都摆设得整整齐齐，气氛浪漫又舒服，服务亦相当好！首先上既龙头汤，以龙虾头淆制，浓郁既龙虾味，咸度适中带有鲜味，真系值得一赞！Steak Tartare with Melba Toast，除左睇落摆放得靓靓之外，食落口多士又够薄又够脆口，配埋软滑Tartare加埋少少伴碟既蔬菜，洋葱一齐食更加口感丰富！香煎带子配无花果香茹沙律，带子煎得岩岩好香，又大又好味，伴碟既新鲜无花果好甜，新鲜沙律菜配埋沙律酱汁，真系又好味又开胃！到左大家都钟意食既鹅肝，鹅肝煎得岩岩好外脆内又够热，下面再放左一块热热既苹果，清甜苹果同鹅肝一齐食可以减少油腻感觉，好特别食落味道都好配！最后配埋杯soft drink，完结今晚美味丰富既一餐！