鍋心粥底火鍋 (積存街) (已結業)

限聚令终于放宽，呢个weekend约左几个好友黎到大围食海鲜粥底火锅，我哋预先已经book好左8点半，来到店外面需要花少少时间排队入场。由于唔系我book嘅关系，最初我都唔知道几多钱一位🙈，不过嘢食嚟到之后都相当满意。我哋嘅套餐包咗好多海鲜，当中有龙虾，鲍鱼，沙白蚬，花甲，大尾尤，贵妃蚌等等，海鲜都新鲜无异味，不过d蚬仲有少少沙。而非海鲜类就有牛肉片猪肉片，响铃，虾饺仔，小笼包等等。当你食晒所有食材之后，店员就会帮你加粥底，仲会加猪油渣，香菜等等嘅配料煲粥，食完碗粥真系好满足，顺带一提呢度嘅职员都好有礼貌，我相信主要原因系一个职员要负责嘅枱数唔多。我地最后埋单二百几蚊，呢个价钱其实几抵食，有机会会再嚟。