九重鮮 (已結業)

提早庆生，今晚阿妈收早，一于带佢食海鲜贺一贺。见到今期做梗蒸海鲜塔 x 任食自助吧，就知一定冇黎错。我地拣左升级版济州岛10重海鲜塔，因为好少食海鲜，想豪下。海鲜多款，食到口冇停。有龙虾、鲍鱼、海虾、龙趸、象拔蚌、大花蛤、沙白及日本元贝，仲有蔬菜拼盘、肥牛。最正系龙虾，非常新鲜，肉质鲜甜；鲍鱼都唔错好弹牙。肥牛都唔差，加左黑椒盐调味。海虾好新鲜。日本元贝加左粉丝，劲鲜甜。觉得一次过蒸哂咁多海鲜，食到最尾既海鲜有点过熟。可能要调较下煎海鲜上下既位置或者蒸完上碟会好d. 好欣赏佢有个位可以著韩服，但我阿妈怕羞，唔肯著。另外仲有多款小食，好多姿多采，又丰富。