Cambo ขุนทอง (The ONE)

营业中

休息中

朋友系The One附近番工，间中都会去The One食饭，今日拣左食泰国野。呢间泰菜星期六、日都见有唔少人等位，所以事前订左枱。一到步就立刻安排我地入坐，系窗边的位置，可以望到街景。因为天气冻，所以都叫多一啲辣既𩠌，有活虾刺生、生菜包、泰式炒通菜、冬荫公、明炉乌头同大蚬锅。先黎冷盘，活虾刺生～虾肉好结实，有蒜香同酸酸辣辣，而且辣味刚刚好。之后系每次泰菜必点既，泰式炒通菜～因为比较喜欢食浓味既炒菜，所以点左泰式，另外有三种炒法，蒜蓉炒、咸鱼炒同清炒，唔食得辣同小朋友都可以多几个选择。另外生菜猪肉包～猪肉粒粒分明，唔柴，除左有生菜，仲可以伴青瓜同豆角。冬荫公～有唔少大头虾同蕃茄，跟明炉上，食晒前菜都仲热辣辣。之后系明炉大蚬锅～果然好大只，加上香茅、芹菜、仲有粉丝，份量十足。最后，明炉乌头锅～冬天食非常暖胃，啖啖鱼肉，再加上辣汁，唔会觉得济。另外，呢度有不同泰式甜品，忍唔住叫左一碟芒果糯米饭。有紫糯米同糯米，两个人食刚刚好。除左食物，呢度既员工服务不错，外籍员工非常热情。