八方庭

营业中

休息中

约咗朋友喺八方庭食生日饭，呢个生日饭真心不错，餐厅环境好，食物味道更加系一流，下次都要同朋友再嚟食过。虾球豆腐蒸水蛋，呢个虾球豆腐蒸水蛋清新又健康，味道更加系一流，爽甜的虾肉大只又鲜甜，豆腐蒸水蛋又滑又香，好好味！七味豆腐，又脆又软嘅综合体，充满黄豆味，再加上又香又辣嘅七味粉，令整个味道更丰富。川辣口水鸡，够辣够惹味，鸡肉好有鸡味，又嫩又滑，连鸡皮都好好味。个川辣口水汁用嚟送饭更加系滋味无穷。上汤澳洲大龙虾（乌冬底），龙虾伊面就食得多，龙虾乌冬第一次喺度食，我个人真系钟意食乌冬多啲，因为乌冬Q弹又好味，仲唔会好似伊面咁油腻，个人对呢度呢样嘢非常赞。龙虾大大只，虾肉鲜甜又弹牙。