影片
更多
2023-11-17
393 浏览
.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯中环 Soho 墨绿色轻奢风意大利风味•冬日黑松露盛宴The Italian Club Seafood Wine Bar，由意大利著名嘅设计公司Pininfarina设计，呢间公司其实最出名系为法拉利设计车型，可想言之，呢间餐厅嘅室内装修，一定系充满优美嘅线条感。翡翠绿色嘅外墙，配合流线型嘅通透雕花，无论喺室内定室外都可以反映出来，配合天花板白色浪花设计，有种置身于海洋之中嘅静默感。主厨Stefano Balsamo今次系冬日呈献，意大利阿尔巴松露，来自义大利最负盛名的松露产地ALBA，品质一定有保证。Alba Winter Black Truffle Tasting Menu $1,180 /pp•Welcome Champagne •配上三种不同年份，10年20年25年嘅意大利黑醋和初榨橄榄油，侍应建议我哋先从左到右，从淡到浓品尝。我个人就比较钟意25年嘅陈年黑醋，因为味道最有韵味，最浓郁。可以配上蒜蓉面包，面包条，蕃茄芝士饼享用。黑松露鱼子酱蒸蛋，蒸蛋味道温和，唔会喧宾夺主抢去黑松露嘅香气，质地绵密柔滑，配上鱼子酱少许嘅咸香。AP
⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯
中环 Soho 墨绿色轻奢风
意大利风味•冬日黑松露盛宴
The Italian Club Seafood Wine Bar，由意大利著名嘅设计公司Pininfarina设计，呢间公司其实最出名系为法拉利设计车型，可想言之，呢间餐厅嘅室内装修，一定系充满优美嘅线条感。
翡翠绿色嘅外墙，配合流线型嘅通透雕花，无论喺室内定室外都可以反映出来，配合天花板白色浪花设计，有种置身于海洋之中嘅静默感。
主厨Stefano Balsamo今次系冬日呈献，意大利阿尔巴松露，来自义大利最负盛名的松露产地ALBA，品质一定有保证。
Alba Winter Black Truffle Tasting Menu $1,180 /pp
•Welcome Champagne
•配上三种不同年份，10年20年25年嘅意大利黑醋和初榨橄榄油，侍应建议我哋先从左到右，从淡到浓品尝。我个人就比较钟意25年嘅陈年黑醋，因为味道最有韵味，最浓郁。
可以配上蒜蓉面包，面包条，蕃茄芝士饼享用。
黑松露鱼子酱蒸蛋，蒸蛋味道温和，唔会喧宾夺主抢去黑松露嘅香气，质地绵密柔滑，配上鱼子酱少许嘅咸香。
APPETIZER
Fassona Sirloin Beef Carpaccio & AlbaWinter Black Truffle
卖相好吸引，令我联想到圣诞节嘅松树装饰，火箭菜配薄切生牛肉，店员用餐车推出今日嘅主角，黑松露，系客人面前刨上新鲜原个黑松露、洒上胡椒同海盐，松露嘅独特香气同牛肉嘅鲜味配合得好好。
Burrata 125gr, Asparagus & AlbaWinter Black Truffle
水牛芝士奶白甘香，黑松露片浓郁气息互相调和，鲜嫩芦笋清新怡人。
PASTA
Spaghetti Canadian Uni & Alba
Winter Black Truffle
鲜橙色嘅加拿大海胆意粉煮至Al dente ，即席洒上一片片的黑松露片，无论视觉同味觉都享受盛宴。
5 Cheese & Alba Winter Black Truffle
以五种芝士特制嘅酱料，稠杰程度刚刚好，非常挂汁，芝士味道超浓厚，直逼blue cheese 程度，钟意食浓烈芝士嘅人一定啱！而且食落去一啲都唔会论尽，因为意粉已经以一口嘅size卷好咗，意大利大厨嘅意粉功架毋庸置疑！
Main
250gr Fassona Beef Sirloin & Alba Winter Black Truffle
Iberico Pork Loin & Alba Winter Black Truffle with Gorgonzola Cheese
主食有两款，意大利有机西冷同有机猪腰肉，用上热辣辣的铁板呈上。
西冷自己控制生熟程度，黑松片满满铺上表面，香气四溢！
猪腰肉淋上少许蓝纹乳酪芝士，浓郁乳香、在些微刺激的风味中则带有清爽的甘甜滋味，加上黑松露片，呢个配搭好新奇。
Side dish
我哋选择咗garden salad 同mashed potato 🥔
DESSERT
餐厅送上desert wine, 浓郁果香的风干葡萄甜酒，配上甜品拼盘： 黑松露奶冻、心形雪糕、Vodka柠檬沙冰， 泡芙，同埋tiramisu, 为呢餐晚餐作完美嘅句号。
如果唔想错过其他好介绍，记得follow我呀😘多谢大家！！！
你嘅支持就系我嘅动力！记得点赞❤️
⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯
The Italian Club Seafood Wine Bar (中环)
中环苏豪伊利近街32号地舖
⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯
张贴
