蟹慶 (已結業)

同朋友约左食午饭，星期五当然要食好少少啦。今日想食海鲜，所以就栋左系澳门逸园地库既蟹宴。去到好快有侍应姐姐带位，我地坐系角落头，方便倾计，成间餐厅好多蟹既摆设，一如其名我地当然要食蟹啦。我地每人都叫左一个蟹御膳，入边包括天妇罗蟹捧乌冬、蟹肉蒸蛋、蟹膏豆腐、忌廉蟹肉饼以及松叶蟹甲罗。先食个蟹肉蒸蛋，一打开成个面都系蟹肉丝同埋鱼子，蛋蒸得好滑，连埋蟹肉丝同埋鱼子食落口好幸褔。再来就系松叶蟹甲罗，上边有满满的蟹肉之外，仲有蟹膏、海胆同鱼子，海胆一D都唔腥，加埋蟹膏的甜味冲击左我的味蕾，呢个坚正。跟住再食蟹膏豆腐，呢个都比到好大新鲜感我。估唔到豆腐加蟹膏可以咁夹，食落口系满满的蟹膏香味。到主菜就系天妇罗蟹捧乌冬，乌冬好Q好弹，蟹捧非常之粗，店主一D都唔孤寒，有成三条蟹捧咁多，再加埋甜甜香香既忌廉蟹肉饼，配乌冬一流。午餐埋单都系一人268加一，有咁好既野食咁既价钱真系好抵，CP值超高，下次要再来食过。