老鍋台式火鍋 (金馬倫道) (已結業)

一段时间无食台式火锅，真系好想念麻辣火锅嘅味道，所以预约咗间台式火锅店一尝久违嘅滋味。可惜用餐当日相当热气、生埋痱滋，所以就无选择到麻辣汤底，再见了我的鸭血，期待已久～可惜啊！最后拣咗未试过嘅酸菜白肉锅，见到menu写汤底包埋白肉同埋不同嘅蔬菜等，感觉十分丰富。所以嗌火锅配料时都无叫太多款式。汤底先上，待滚时打开才发现料真系这么多！有好多嘅白肉、粟米、蕃茄、冬菇同埋宽粉等等。汤底嘅酸菜味仲好出，蔬菜同白肉都吸晒啲精华，带点偏酸嘅味道。我特别钟意里面嘅宽粉，烟烟韧韧咁几有弹力，不过一路煲佢会变软咗无咁烟韧。我地嗌左个小食，系比较少系餐厅会揾到嘅臭豆腐，就系呢间台底火锅店揾到！臭豆腐炸得超香脆，酷似响铃嘅脆度，再蘸埋酱汁同酸菜食确系好爽！火锅配料有半份极品水饺、好有特色嘅千张豆叶纸同埋台湾面。极品水饺肉几厚，仲有虾系入面。千张豆叶纸几似腐皮，但口感再弹性啲同埋厚啲。另外台湾面夹埋酸菜汤都唔错，同埋面质好滑。我地仲多点咗手切牛肩肉，牛味好浓同埋切得厚薄适中，食落都好有口感！饮品有杭菊露同埋冬瓜茶，两者都几够味又唔会太甜！